Etxeko langileentzako sistema bereziaren arloko berrikuntzak

Etxeko Langileentzako Sistema Bereziaren kudeaketa eta babes soziala hobetzeari eta izaera ekonomiko eta sozialeko beste neurri batzuei buruzko 29/2012 Errege Lege Dekretua, abenduaren 28koa, onartzearen ondorioz (2012ko abenduaren 31ko BOE), zenbait aldaketa egin ziren Etxeko Langileentzako Sistema Bereziaren konfigurazio juridikoan. Bestalde, abenduaren 28ko 28/2018 Errege Lege Dekretuan pentsio publikoei balioa handitzea eta gizarte-, lan- eta enplegu-arloko premiazko beste neurri batzuk jasotzen dira, eta kontingentzia arrunten bidezko kotizazio-oinarriak eta –tasa eta enplegatzailearen eta enplegatuaren arteko banaketa nahiz enplegatzailearen kargurako lanbide-kontingentzien bidezko kotizazio-tasa aldatu egin ditu.

Afiliazioa, alta eta baja Gizarte Segurantzan:

2013ko apirilaren 1az geroztik, Gizarte Segurantzako Erregimen Orokorrean Etxeko Langileentzako ezarritako Sistema Berezian dauden langileek, enplegatzaile bakoitzeko hilean 60 ordu baino gutxiagoz lan egiten badute, afiliazioa, altak, bajak eta datuen aldaketak zuzenean egin beharko dituzte enplegatzaile horiekin horrela adostuz gero. Edonola ere, etxeko langileek aurkeztutako alta- eta baja-eskaerak eta datu-aldaketak enplegatzaileak sinatuta egon beharko dute.

Gizarte Segurantzarako kotizazioak:

2021eko irailaren 1etik aurrera, lanbideko kontingentzia arruntei dagokien kotizazio-oinarriak hurrengo eskalaren arabera zehaztuko dira, etxeko langileek jasotako ordainsarian oinarrituta:

2021. urtean, kontingentzia arrunten bidezko kotizazio-tasa 28,30%, ekoa izango da, 23,60% enplegatzailearen kontura eta 4,70% enplegatuaren kontura.

Lanbide-kontingentzien bidezko kotizaziorako, %1,50 aplikatuko da, soilik enplegatzailearen kontura.

2013ko apirilaren 1etik aurrerako ondorioekin, etxeko langileak enplegatzaile bakoitzeko hilean 60 ordu baino gutxiago lan eginez gero eta Etxeko Langileen Sistema Berezian sartzeko betebeharrak bere gain hartzea adostu badu enplegatzailearekin, langilea izango da kotizatzeko betebeharren subjektu erantzulea. Beraz, bere ekarpena eta akordio hori egindako enplegatzaileari dagokiona (edo, hala badagokio, enplegatzaileak) sartu beharko ditu, kontingentzia arrunt eta profesionalengatik.

Gizarte Segurantzaren Diruzaintza Orokorrak aplikatuko duen hileko kotizazio-oinarria, hark dituen datuen arabera ordaindu beharko den zenbatekoa zehazteari dagokionez, ezingo da hurrengoak baino txikiagoa izan:

Lanaldi osoko kontratuen kasuan, edo lanorduak hileko 160 edo asteko 40 ordu direnean, kotizazio-oinarria ezingo da indarrean den hileko gutxieneko soldata interprofesionalaren baliokideari dagokion ordainsarian sartzen den tramuan aurreikusitakoa baino txikiagoa, eta langileak jasotzeko eskubidea duen aparteko ordainsarien zati proportzionala areagotuko da.

Lanaldi partzialeko kontratuen kasuetan, edo lanorduak hileko 160 edo asteko 40 ordu baino gutxiago direnean, kotizazio-oinarria ezingo da indarrean den hileko gutxieneko soldata interprofesionalaren baliokideari dagokion ordainsarian sartzen den tramuan aurreikusitakoa baino txikiagoa, eta kontratuan adostutako lanaldiaren proportzioan aparteko ordainsarien zati proportzionala areagotuko da.

Lanaldi partzialeko kontratuen kasuetan, ordainsarien kontzeptu guztiak hartzen dituen kanpoko erregimenean orduka lan egiten duten etxeko langileen kasuetan, kotizazio-oinarria ezingo da izan gutxieneko ordainsaria bider hileko lanorduengatik indarrean den orduko gutxieneko soldata izango da.

Gizarte Segurantzaren Diruzaintza Nagusiari hitzartutako ordainsaria hilekoa edo ordukakoa dela agertzen ez bazaio, paragrafo honetan ezarritako ondorioetarako, itundutako ordainsaria hilekoa dela ulertuko da; nolanahi ere, enplegatzaileek frogatu ahal izango dute, zuzenbidean onartutako edozein bitartekoren bidez, ordainsaria orduka itundu dela.

Informazio gehiago