O Capítulo IV do RD 951/2005, do 29 de xullo polo que se establece o marco xeral para a mellora da calidade na Administración Xeral do Estado, recolle o programa de queixas e suxestións, no que se establece que os órganos e organismos da Administración Xeral do Estado deben ofrecer aos cidadáns medios para presentar ante eles queixas e suxestións.

Finalidade

• A través deste procedemento poderán presentarse as queixas, iniciativas e/ou suxestións que os cidadáns estimen convenientes sobre o funcionamento das Unidades do Ministerio.
• As queixas formuladas non terán en ningún caso a cualificación de recurso administrativo nin a súa interposición paralizará os prazos establecidos na normativa vixente.
• A presentación dunha queixa non condiciona, de ningún xeito, o exercicio das restantes accións ou dereitos que, de conformidade coa normativa reguladora de cada procedemento, poidan exercitar os que figuren nel como interesados.

Quen o pode presentar

• Todos os cidadáns que o consideren oportuno, cubrindo o formulario ao efecto, ou a través dun escrito que exprese a queixa ou suxestión, para deixar constancia da súa insatisfacción cos servizos prestados e tamén das iniciativas ou suxestións que estimen convenientes para a mellora dos servizos competencia do Departamento.

Unidade responsable

• A Unidade afectada pola queixa ou suxestión.

Prazo de contestación

• A Unidade afectada deberá informar o cidadán no prazo de 20 días, previas as aclaracións que estime oportuno solicitar do mesmo, das actuacións realizadas e das medidas, no seu caso, adoptadas. Se transcorrido o prazo non se obtivo ningunha resposta, o interesado poderá dirixirse á Sub. Xral. de Recursos Humanos e Inspección Xeral de Servizos, ou á Sectorial correspondente (Inspección de Servizo do do Servizo Público de Emprego Estatal) a fin de coñecer os motivos que orixinaron a falta de contestación e esixir as oportunas responsabilidades.

Formas de presentación

• Presencial ou por correo postal (sen certificado dixital).
• Vía telemática (con certificado dixital).

Presencial ou por correo postal

• Cubrindo o formulario de queixas e suxestións que se pode descargar nesta páxina (para a súa presentación posterior de maneira presencial ou por correo postal), estando tamén dispoñible nos Rexistros Xerais e auxiliares de recepción ou saída de documentos e, en todo caso, nas oficinas de información e atención ao cidadán, tanto en Servizos Centrais como Periféricos do Departamento.
• Realizando un escrito asinado pola persoa interesada, expondo o obxecto da súa queixa ou suxestión, onde se fará constar o seu nome e apelidos, teléfono, domicilio, e no seu caso, dirección de correo electrónico para poder remitirlle a súa contestación, se así o indica.
• Tanto o formulario como o escrito pódense presentar en calquera Rexistro público ou oficina de atención ao cidadán.
• No Formulario que se inclúe neste apartado, ao premer na ligazón, poderanse obter tantas copias en branco como estime oportuno para cubrilo posteriormente de forma manual ou escribir os datos requiridos e seguidamente obter o número de copias desexado (recoméndase a obtención de dúas copias para que unha delas sexa selada na oficina de presentación).

Formulario Presentación de Queixas e Suxestións

Vía telemática (con certificado dixital)

• A través da Sede Electrónica Central do Ministerio accedendo ao trámite Queixase suxestións Quejas y Sugerencias.
• ara asuntos relacionados co Servizo Público de Emprego Estatal (SEPE) e o Fondo de Garantía Salarial (FOGASA) deberán dirixirse ás Sedes Electrónicas destes Organismos:
  • Sede Electrónica do SEPE
  • Subsede Electrónica do Fogasa.
• Pode presentar por vía telemática a suxestión ou queixa completando o formulario ao que se accede dende esta páxina. Solicitaráselle que se identifique e firme dixitalmente o seu contido de acordo cos requisitos establecidos para o acceso á Sede Electrónica.
• Se no formulario elixe como medio de contestación o correo postal ou correo electrónico, a Unidade responsable da xestión e resposta á queixa responderá polo medio elixido.