Ministra de Traballo e Economía Social

Yolanda Díaz Pérez

• Naceu en Fene (A Coruña) en 1971 e licenciouse en Dereito. Realizou varios cursos superiores e de posgrao en relacións laborais, dereito urbanístico e ordenación territorial e recursos humanos. Ademais, realizou formación complementaria en seguridade social, contratación laboral, Administración e poder político e xénero.
• Empezou colaborando con varios despachos de avogados, ata formar o seu propio en Ferrol, cidade na que actualmente reside. Durante a súa carreira como letrada, abordou diversas cuestións e problemáticas laborais e foi asesora da Confraría de Pescadores e Mulleres.
• No ano 2007, foi elixida concelleira do Concello de Ferrol, onde formou un goberno de coalición co PSOE e exerceu como tenente de alcalde.
• No ano 2012, saíu elixida deputada no Parlamento de Galicia, onde exerceu de viceportavoz ata as eleccións xerais de 2016, en que resultou elixida para representar no Congreso dos Deputados a cidadanía galega. Desde entón, foi portavoz en distintas comisións, na Comisión de Industria, Comercio e Turismo; na de Economía e Empresa; na de Economía e na de Industria e Competitividade. Foi tamén portavoz adxunta da Comisión de Emprego e Seguridade Social e da de Política Territorial e Función Pública. E, por último, exerceu de portavoz da Comisión de Seguimento e Avaliación dos Acordos do Pacto de Toledo e tamén do Grupo Confederal Unidas Podemos - En Comú Podem - Galicia en Común.