Lan autonomoa sustatzeko eta ekintzailetza-espiritua eta -kultura bultzatzeko politika publikoak diseinatzen parte hartzea, baita lan autonomoa eta hari dagozkion elkarteak sustatzeko laguntzak diseinatzen eta kudeatzen eta haien segimendua egiten ere.

Autonomo eta ekintzaileentzako arau-proiektuak eta neurri espezifikoak prestatzea eta sustatzea, eta haien berri ematea.

Autonomoen Elkarte Profesionalen Estatu Erregistroan sartu behar diren ekintzak kalifikatzeko, inskribatzeko eta ziurtatzeko administrazio-jarduerak egitea.

Estatuko kontseiluek eta haien eskumenen esparruan ezartzen diren bestelako partaidetza-moduek funtzionatzeko behar den koordinazioa eta babes teknikoa ematea.

Lana Babesteko Funts Nazional ohiak eman zituen maileguen eta, hura desagertu ondoren, Estatuko Aurrekontu Orokorren kontura xede bererako eman zirenen segimendua egitea.

Azterketak, estatistikak, txostenak eta ikerketa-lanak egitea, baita agintzen diren informazio- eta estatistika-sistemak koordinatzea ere, bereziki haren eskumeneko arloetan eragina dutenak, Idazkaritza Orokor Teknikoaren eskumenei kalterik egin gabe.