Inscrición das Asociacións Profesionais de Traballo Autónomo, as Federacións, Confederacións e Unións de Asociacións Profesionais de Traballo Autónomo de ámbito estatal, así como as súas modificacións estatutarias, variacións dos órganos de goberno, número de asociados e entidades asociadas, e a súa cancelación. Expedición das oportunas certificacións acreditativas dos datos que consten no Rexistro.

Son Asociacións constituídas segundo o disposto na Lei orgánica 1/2002, do 22 de marzo, reguladora do dereito de asociación e previamente inscritas no RRexistro Nacional de Asociacións, dependente do Ministerio do Interior.

Agrupan a persoas físicas recollidas no artigo 1 da Lei 20/2007, do 11 de xullo, do Estatuto do traballo autónomo.

Non poden ter ánimo de lucro.

Desenvolven a súa actividade no territorio do Estado, é dicir, non poden ter máis do 50 % dos seus asociados domiciliados nunha comunidade autónoma.

A denominación e os Estatutos teñen que facer referencia á súa especialidade subxectiva e obxectivos:

• Subxectiva: Traballadoras e traballadores autónomos.
• Obxectivos: Defensa dos seus intereses profesionais e funcións complementarias, artigo 19.2 do Estatuto do Traballo Autónomo.