Estrategia prestatzeko, aktiboki parte hartu dute ekosistema sozial, produktibo eta ekonomiko berezi honetako eragileek; horrela, adostasun handiena duten errebindikazioei erantzuten saiatzen da EEES.

EEES estrategiak 146 neurri zehatz planifikatzen esku hartzen du, lau ardatz tematikotan banatutako 17 jarduera-ildotan bilduta:

• 1. ardatza. Ekonomia sozialaren ikusgaitasuna eta erakunde-partaidetza.
• 2. ardatza. Lehiakortasunaren hobekuntza.
• 3. ardatza. Ekintzailetza eta gorabidean dauden sektoreak.
• 4. ardatza. Gizarte- eta lurralde-jasangarritasuna.

Ekonomia sozialaren ikusgaitasuna hobetzeko jarduera-ildoak:

• Erakunde-mailan eta arau-esparruan haren ikusgaitasuna sendotzea.
• Gizarte-eragileen artean eta oro har gizartean onar dadin sustatzea.
• Nazioarteko erakundeen agendan duen presentzia finkatzea.
• Ekonomia sozialari buruzko estatistikak prestatu eta zabal daitezen bultzatzea.
• Azter dadin sustatzea, inpaktu ekonomikoa eta soziala neurtzeko.

Ekonomia sozialaren lehiakortasuna areagotzeko jarduera-ildoak:

• Haren nazioartekotze-mailak handitzea.
• Haren berrikuntza eta eraldaketa digitala handitzea.
• Gaitasunen eguneratzea eta birkualifikazio profesionala bultzatzea.
• Ekonomia sozialeko enpresa eta erakundeen sektore barruko nahiz sektorearteko lankidetza areagotzea.
• Enpresa eta erakunde horien eraldaketa berdea handitzea.

Oro har eta ekonomia sozialeko sektore sortuberrietan ekintzailetza soziala indartzeko jarduera-ildoak:

• Ekintzailetza-ekimen berrietan duen presentzia handitzea.
• Ekosistema berritzailean eta oinarri teknologikoko ekintzailetzan hobeto integratzea.
• Sektore sortuberrietan duen posizio lehiakorra sendotzea.

Ekonomia sozialeko gizarte- eta lurralde-jasangarritasuna ahalbidetzeko jarduera-ildoak:

• Genero-berdintasunean aurrera egitea.
• Belaunaldiarteko erreleboa ahalbidetzea.
• Lurralde-kohesioaren alde eta despopulatzearen aurka egiten duen ekarpena sustatzea.
• Enpresen gizarte-erantzukizuna babestea, eta garapen jasangarrirako helburuak ekonomia sozialean txertatzen laguntzea.