Eixe 6
Garantir a igualdade de xénero no traballo autónomo

O fomento da igualdade de xénero no traballo autónomo constitúe un obxectivo transversal da "Estratexia Nacional de Impulso do Traballo Autónomo 2022-2027". Trátase tamén aquí dun eixe cuxa consecución apela a actuacións en diferentes ámbitos: promoción e fortalecemento da economía dos coidados; fortalecemento das medidas de conciliación laboral-familiar para traballadoras e traballadores autónomos; igualdade de acceso ás fontes de financiamento e ao emprendemento; loita contra a discriminación nas remuneracións recibidas ou no acceso a postos de maior responsabilidade, etc. Tamén se promoverán medidas de acción positiva cando sexa necesario e facilitarase a participación das mulleres e das empresas propiedade ou dirixidas por mulleres. Todo isto implica unha recollida de datos segregados por sexo, para que se teña coñecemento claro da situación de partida e se poidan marcar uns obxectivos realistas aos que se pretenda chegar.