Contratación de personal
Portal do Traballo Autónomo
Alta, baixa e outros
- Contratación de persoal
- Rexistro de marca e nome comercial
Contratación de persoal
Se es autónomo ou autónoma e queres contratar persoal, os pasos que debes seguir cambian en función do tipo de persoa que pretenderes contratar:
Contratar persoas por conta allea
Tes que seguir os seguintes pasos:
- O primeiro que debes facer é inscribíreste como empresario ou empresaria na Seguridade Social, accedendo ao servizo de Inscrición e Atribución do CCC na Sede Electrónica ou a través do sistema Red.
- E despois, tes que dar de alta a persoa na Seguridade Social a través do sistema RED, aquí tes dous casos:
Se é o seu primeiro traballo, tes que solicitar á Seguridade Social que lle asignen un número de afiliación
Se xa traballou antes, tes que dalo de novo de alta na Seguridade Social
- E, finalmente, tes que comunicar a contratación ao Servizo de Emprego Público Estatal (SEPE) nun prazo máximo de 10 días, presentando copia do contrato de traballo a través de Contrat@. Entra aquí se queres ver os modelos de contratos.
Familiar autónomo colaborador ou autónoma colaboradora
Deben acollerse a esta modalidade o teu cónxuxe e familiares ata o segundo grao inclusive por consanguinidade, afinidade e adopción (no caso do Sistema Especial para Traballadores por Conta Propia Agrarios, ata o terceiro grao), que colaboren habitualmente contigo e que non teñan a condición de persoas traballadoras por conta allea.
Para iso, o teu familiar deberá darse de alta no Réxime Especial de Autónomos da Seguridade Social.
Contratar un familiar por conta allea
Podes contratar un familiar como asalariado sempre que non exista convivencia, salvo algunhas excepcións, e ademais, podes beneficiarte de bonificacións en determinados casos, que podes consultar na páx. do SEPE.