Estes vídeos son testemuños de persoas implicadas na economía social, que poñen de manifesto a súa singularidade canto a obxecto, actividade e modos de actuación.

Coa difusión destes vídeos perséguese dar visibilidade ás entidades da economía social (cooperativas, mutualidades, fundacións e as asociacións que leven a cabo actividade económica, sociedades laborais, empresas de inserción, centros especiais de emprego, confrarías de pescadores, sociedades agrarias de transformación e outras que se rexan polos principios da Economía Social), mostrar a súa singularidade e potencial para a transformación económica e a loita contra o despoboamento do medio rural, así como para fomentar o desenvolvemento sostible e unha transición verde e dixital xusta en liña cos obxectivos do Plan de Recuperación, Transformación e Resiliencia.

Desta forma, preténdese fomentar a creación de entidades de economía social, especialmente en zonas rurais e territorios en situación ou risco de despoboamento e impúlsase o desenvolvemento das xa existentes ó darlles publicidade e atraer potenciais clientes e traballadores.