A presidencia do Consello a ostenta, actualmente, a persoa titular da Secretaría de Estado de Economía Social e a súa composición é a seguinte:

1. 20 vogalías, con rango de Director ou Directora Xeral, en representación da Administración Xeral do Estado, coa distribución seguinte:
   • 2 por cada un dos Ministerios de Traballo e Economía Social; de Asuntos Económicos e Transformación Dixital; de Dereitos Sociais e Axenda 2030, e de Agricultura, Pesca e Alimentación;
   • 1 por cada un dos Ministerios de Inclusión, Seguridade Social e Migracións; de Transportes, Mobilidade e Axenda Urbana; de Facenda; de Industria, Comercio e Turismo; de Política Territorial e Función Pública; de Consumo; de Igualdade; de Universidades; de Presidencia, Relacións coas Cortes e Memoria Democrática; para a Transición Ecolóxica e o Reto Demográfico; de Educación e Formación Profesional, e de Sanidade.
2. 20 vogalías das administracións autonómicas e locais, das cales:
   • 19 vogalías en representación de cada unha das comunidades autónomas e das cidades de Ceuta e Melilla,
   • 1 vogalía designada pola Federación Estatal de Municipios e Provincias, en representación das entidades locais.
3. 20 vogalías en representación das entidades da economía social de ámbito estatal, na seguinte forma:
   • 18 delas, a proposta das confederacións intersectoriais representativas de ámbito estatal,
   • 2 a proposta de entidades sectoriais maioritarias da economía social que non estean representadas polas confederacións intersectoriais anteriores.
4. 3 vogalías en representación de organizacións sindicais máis representativasde ámbito estatal.
5. 5 vogalías designadas polo Ministerio de Traballo e Economía Social entre persoas de recoñecido prestixio no ámbito da economía social, oídas as entidades da economía social a que se refire a letra d) deste apartado.

O Consello para o Fomento da Economía Social funciona en Pleno e en Comisión Permanente.  O Pleno do Consello reunirase, polo menos, dúas veces ó ano en sesión ordinaria e, de forma extraordinaria, cando así o acorde a Presidencia, a iniciativa propia ou a solicitude dun terzo dos seus membros.

Poderán constituírse no seo do Consello os grupos de traballo que acorde o Pleno para a realización de estudos ou propostas en temas que afecten os labores do Consello. Os grupos de traballo poderán solicitar, a través da Secretaría, canta información sexa precisa para o cumprimento das súas funcións.

O Consello para o Fomento da Economía Social ten as seguintes competencias:

• Informar e colaborar na elaboración de proxectos sobre calquera disposición legal ou regulamentaria que afecten a entidades da economía social.
• Elaborar os informes que se soliciten polo Ministerio de Traballo e Economía Social e demais departamentos ministeriais.
• Evacuar informe previo na elaboración e actualización do catálogo de entidades da economía social do Ministerio de Traballo e Economía Social.
• Informar as estratexias e os programas de desenvolvemento e fomento da economía social.
• Realizar estudos e informes sobre cuestións e problemas que afecten á economía social e en especial sobre o reforzo do coñecemento, presenza institucional e proxección internacional da economía social.
• Velar pola promoción e o respecto ós principios orientadores recollidos no artigo 4 da Lei 5/2011, de 29 de marzo, de Economía Social.
• Emitir informe previo na adopción das medidas de información estatística das entidades de economía social.
• Cantas outras funcións e competencias se lle atribúan por disposicións legais e regulamentarias.